Pair of Vintage Old School Fru
মুখ্য পৃষ্ঠা
06/04/25United States14:22

"মানুহৰ পৃথিৱীত অমানুহ"

মানুহ বোৰ অমানুহ হোৱা কথা নাছিল
কাহানিওঁ
মানুহৰ পৃথিৱী আছিল মানুহৰ বাবে |
শান্তিৰ কপৌ যুৰিক দিছিল
ভঁৰালৰ এমুঠি ধান |
মানুহে মানুহৰ দুখত গাইছিল
প্ৰাণৰ এটি গান |

বেদনাৰ অশ্ৰু হাঁহিৰে ঢ়াকিবলৈ
মানুহে মানুহক শিকাইছিল |
মন্দিৰে মছজিদে হৈছিল শান্তিৰ
প্ৰাৰ্থনা |

মানুহ বোৰ মানুহৰ বন্ধু আছিল ,
মানুহ বোৰৰ একোখন হৃদয় আছিল
পৃথিৱীৰ মজিয়াত মানুহ আছিল |

এনে হোৱাৰ কথা নাছিল সেইদিনা ,
যিদিনা জন্ম হৈছিল আধুনিকতা |
অথচ , জন্ম হ'ল এটি এটি কৈ
মানুহৰ পৃথিৱীত অমানুহৰ সন্তান |
মানুহৰ তেজেৰে ইতিহাস লিখিব কোনে ?
আজি যেন তাৰেই প্ৰতিযোগীতা |

শান্তিৰ পৃথিৱীত দানৱে লিখিলে
বুৰঞ্জীৰ নতুন পৃষ্ঠা
আৰু নাম দিলে একবিংশ শতিকা |

অমানুহ বোৰে নাজানে
কবিয়ে কিয় দুভাগ ৰাতি শান্তিৰ
কবিতা লিখে |
অমানুহে বুজিও নুবুজে ,
কিয় আই পিতায়ে সন্তানৰ দুখত কান্দে |

বিচাৰি নাযায় সেউজীয়াৰ ঠিকনা ,
বুজি নাপায় নীলা খামৰ চিঠিৰ ভাষা |
এন্ধাৰ গলীত বিচাৰে জীৱনৰ ৰহস্য |
চিৰাচিৰ কৰে গাভৰুৰ পোচাক ,
ধ্বংস কৰে পবিত্ৰতা |
মানুহৰ পৃথিৱীত আজি
অমানুহৰ নতুন ঠিকনা |

© ৰাজু কলিতা

10-11-14